जनमुक्ति खबर , काठमाडौं
देशभर पुनः हिंसात्मक आन्दोलन हुने संकेत
नेकपा ( एमाले ) का अध्यक्ष तथा पुर्व प्रधानमन्त्री केपि शर्मा वली पक्राउकाे विरोधमा हिजो पहिलो दिन युवा/ विद्यार्थी लगायत पार्टीका केही नेताहरुकाे सहभागीतामा देशका २२ जिल्लामा सशक्त संघर्ष गरेको निकट स्राेतले जनाएको छ । चैत्र १३ गते बालेन नेतृत्वको सरकार गठन भएको २४ घण्टा नवित्दै भाद्र २३/२४ काे आन्दोलन पछि बनेकाे गाैरी बहादुर कार्की नेतृत्वको छानबिन आयाेगले दाेषी करार गरेका तत्कालीन नेपाल प्रहरीका आइजीपी चन्द्र कुबेर खापुङ,नेपाली कांग्रेसका नेता तथा तत्कालीन गृहमन्त्री रमेश लेखक, तत्कालीन प्रधानमन्त्री केपी शर्मा वलीलाई नियन्त्रण लिने आन्तरिक निर्णय गरेका थिए ।
तर अन्तिममा सुरक्षा प्रमुखलाई तत्काल गिरफ्तार गर्दा नेपाल प्रहरीबाटै असहयोग र यसले प्रहरीकाे मनाेबलमा गिरावट आउने निष्कर्षले सरकार चन्द्र कुबेर खापुङलाई गिरफ्तार गर्नबाट पछि हटेको छ ।
यता केपी शर्मा वलीकाे पक्राउ बारे विभिन्न टीका- टिप्पणी हुन थालेको छ । राजनीति दल , बाैद्विक समूह , गत निर्वाचनमा घण्टीमा भाेट हाल्ने मतदाता बिचमा पनि यस विषयले अहिले चर्चा हुन थालेको छ । नेकपा ( एमाले ) ले भने याे विषय केवल केपी शर्मा वलीकाे मात्रै नभई लाेकतन्त्र र विधिकाे शासन विरुद्धको प्रहार भन्दै आन्दोलनको घाेषणा गरेको छ ।
पक्राउ परेको केही घण्टा भित्रै पार्टी सचिवालय बैठक बसि देशव्यापी आन्दोलनमा उत्रिन पार्टी कमिटी र विभिन्न भातृ- संगठनलाई निर्देशन दिएको थियो । यसै अनुरुप सबै जिल्लामा सानातिना विरोधका कार्यक्रम गरिए पनि काठमाडौं लगायत मुख्य शहरहरुमा प्रतिरोधात्मक आन्दोलन गरेका थिए । हिजो साँझ नेपालकाे राजधानी काठमाडौं लगायत विभिन्न जिल्लामा वली पक्राउकाे विरोधमा हजारौंको संख्यामा मसाल जुलुस गरेको छ । काठमाडौंमा भएको आन्दोलनमा हिजो साँझ नेपालकाे राजधानी काठमाडौं लगायत विभिन्न जिल्लामा वली पक्राउकाे विरोधमा हजारौंको संख्यामा मसाल जुलुस गरेको छ । नेता कार्यकर्तामाथि प्रहरीले धरपकड गरेको र ८ जनालाई नियन्त्रणमा लिएको जनाएको छ ।
यसैलाई लिएर बाैद्विक समूह र राजनीतिक विश्लेषकहरुले यसरी कानुनी शासनको बर्खिलाप हुने गरि गरिएको पक्राउ प्रतिसाेधपुर्ण रहेको जनाएको छ । नेपाली कम्युनिस्ट पार्टीले पनि कार्की आयाेगका प्रतिवेदन कार्यान्वयनमा निष्पक्ष हुन र प्रतिसाेधपुर्ण र देशलाई द्वन्द्वमा नफसाउन भन्दै आफ्नो धारणा सार्वजनिक गरेको छ ।
