राजकुमार तिमिल्सीना , चितवन ।
चितवन सदरमुकाम देखि २५ किलोमिटर टाढा रहेको प्रभात माध्यमिक विद्यालय केही वर्ष देखि शैक्षिक क्षेत्रमा अब्बल बन्दै गैरहेकाे छ । करिब ६०० भन्दा बढी विद्यार्थीहरु अध्ययनरत विद्यालयमा शिक्षक कर्मचारी संख्या ३६ जनाले अध्यापन लगायत कार्य गरि महानगर मै चर्चामा रहेको छ । 
नेपाल सरकार र विद्यालय श्राेतबाट २०७३ सालदेखि यश विद्यालयमा सिभिल इन्जिनियरिङ तर्फ अध्यापन गराइरहेको प्र.अ. हाेमनाथ भण्डारीले जानकारी दिनुभयो ।प्रभात मावि शुक्रनगर बजारमा रहेको उक्त विद्यालयले वार्षिक ६० जना भन्दा बढी स्काउटरहरु उत्पादन गरि जनचेतनामूलक कार्यक्रमहरु गर्दै आइरहेको छ । 
भरतपुर महानगर गत वर्ष देखि संचालित खेलकुद कार्यक्रमहरुमा पनि सक्रिय सहभागी जनाई मेडलहरु प्राप्त गरिरहेका छन । यसै वर्ष महानगर स्तरीय रनिङ सिल्ड प्रतियोगितामा कक्षा १२ मा अध्ययनरत छात्र शिशिर राउतले दाेश्राे स्थान हासिल गरेका थिए । 
प्रभात माविले विद्यार्थीहरुकाे स्वास्थ्य र शिक्षालाई महत्त्व दिदै केही वर्ष देखि फुटबल , भलिबल , कपर्दी ,रिले,तेक्वान्दो ,उसु , दाैड र अन्य मानसिक खेलहरु संचालन छन हरेक महिनामा हाजिरी जवाफ कार्यक्रम र पाैष १ गते वार्षिकोत्सब कार्यक्रम गरिएको छ ।एस.इ.इ. परिक्षामा हरेक वर्ष साधारण तर्फ ७३ प्रतिशत र सिभिल तर्फ ६३ प्रतिशत भन्दा माथि विद्यार्थीहरु उतिर्ण छन । 
हाल सम्म सयाैं डाक्टर , वैज्ञानिक , शिक्षक , इन्जिनियर , राजनीतिज्ञ र सामाजिक व्यक्तित्वहरु उत्पादन भै राष्ट्रिय र अन्तर्राष्ट्रियस्तरमा काम गरिरहेकाे प्रअ. भण्डारीले बताउनु भयो ।२०७३ सालदेखि संचालित इन्जिनियरिङ पढाइमा स्तराेन्नती गर्दै विद्यालयले केहि वर्षदेखि पढ्दै – कमाउदै कार्यक्रम अन्तरगत इन्टरलक इट्टा उत्पादन गरिरहेका छन् ।उक्त विद्यालयका व्यवस्थापन समितिमा शेखर दवाडीकाे कुसल नेतृत्वको कारण विद्यालयले हरेक वर्ष भाैतिक प्रगति गरिरहेकाे प्रअ भण्डारीले बताउनु भयाे ।भर्ना र मासिक शुल्क सुन्यमा अध्यापन गराईरहेकाे प्रभात माविले केही वर्षअघिदेखि टाढा – टाढाको विद्यार्थीहरुकाेलागी सहुलियतमा स्कुल बसकाे सुविधा उपलब्ध गराएकाे छ केही वर्ष भित्रै इन्जिनियरका सम्पूर्ण अध्ययन यहि पूरा गराउने उद्देश्यका साथ अघि बढेकाे विद्यालय श्राेतले जनाएको छ ।
