भाकपा( माओवादी ) का महासचिव नम्वाला केशवराव ( वसवराज) को षड्यन्त्र पुर्वक हत्या: नेकपा ( माओवादी )

५८ वर्ष अघि पश्चिम बंगालकाे नक्सलवाडीमा भएको किसान आन्दोलनकाे जगमा गठन भएको भारतीय कम्युनिस्ट पार्टी ( माओवादी ) अहिले पेचिलाे अवस्थामा पुगेको जानकारहरु बताउछन । भारतीय वर्गसंघर्षकाे रुझानमा फैलिएको माओवादी आन्दोलन तीन दशक अघि सम्म भारतका २९ प्रांत मध्य २० प्रांतमा संगठनकाे जालो फैलिएको थियो । भारतीय आदिवासी तथा श्रमजीवी किसानहरुकाे पक्षमा निरन्तर संघर्षरत भारतीय( माओवादी ) सरकार र सत्ताकाे प्रमुख टाउको दुखाइकाे विषय बनिरहेको थियोे । भारतीय ( माओवादी ) ६ दशक अघिदेखि आफ्ना लक्ष्य विरुद्ध कहिल्यै डगमगाएन । चारु मजुमदारकाे गिरफ्तारी पछि पनि आन्दोलन राेकिएन र अझ सशक्त हुँदै देशैभर फैलिएको थियोे । १९७२ मा चारु मजुमदारकाे गिरफ्तार भएको थियो र जेलमै उनको मृत्यु भयो । त्यसपछि नक्सलवादी आन्दोलन मुपला लक्ष्मण राव ( गणपति ) काे नेतृत्वमा संगठन विस्तार भएको थियो । १९६० काे दशक ताका भारतका क्रान्तिकारी पार्टीहरु भारतीय कम्युनिस्ट पार्टी ( माले ) , भारतीय कम्युनिस्ट पार्टी ( माले ) कम्युनिस्ट पिपुल्स वार र माओइस्ट कम्युनिस्ट सेन्टर ( एम. सि. सि.) बिच २१ सेप्टेम्बर २००४ मा एकता भएको थियोे ।उक्त एकता पछि कमरेड गणपतिकाे नेतृत्वमा भारतीय कम्युनिस्ट पार्टी ( माओवादी ) स्थापना गरिएकाे थियो ।त्यसै बेला ज्यानपेट गाउँमा जन्मिएका पेशाले ईन्जिनियर वसवराज केन्द्रीय समितिमा चयन भएका थिए । उनी ईन्जिनियर हुदादेखि नै क्रान्तिकारी आन्दोलन तर्फ आकर्षित हुँदै संगठनमा जाेडिएका थिए । उनी ईन्जिनियरिङ पढाइसंगै नक्सलवादी संगठनमा सहभागी थिए । कमरेड गणपति नेतृत्वमा छँदै अशक्त , बिरामी र बुढा कमरेडहरु पार्टीको मुख्य जिम्मेवारीमा नरहने पार्टी निर्णय पछि महासचिव गणपति आफ्नो उत्तराधिकारीका रुपमा कमरेड वसवराजमहासचिवमा चयन भएका थिए । एक राजनीति , रणनीतिकार र सैन्य विज्ञका रुपमा परिचित वसवराजले भारतीय माओवादीलाई माथिल्लो स्तरमा पुर्याएका थिए । भारतीय शासक ( माेदी सरकार ) ले २ वर्ष अघि पार्टी महासचिव वसवराज लगाएत पाेलिटव्यूराे सदस्यहरुकाे २ कराेड सम्मकाे टाउकाको मूल्य ताेकेका थिए । महासचिव वसवराज र सरकार विच वार्ताको लागि केही महिना अघि देखि छलफल चलिरहेकैअवस्थामा पार्टी महासचिव लगाएतकाे कथित हत्याको विरोधमा संसारभरि बाटै कम्युनिस्ट पार्टी र माओवादी समर्थकहरुले विज्ञप्ति जारी गर्दै आवाज उठाईरहेका छन् ।यसै सिलसिलामा नेपाल कम्युनिस्ट पार्टीका ( माओवादी ) कार्यवाहक महासचिव रणवीरले पनि आफ्नो पार्टीको तर्फबाट कमरेड वसवराज र दिवंगत कमरेडहरु प्रति श्रद्धाञ्जली अर्पण गर्दै क्रान्तिकारी कम्युनिस्टहरुकाे हत्याको विरुद्धमा विज्ञप्ति जारी गरेकाछन् ।