नेकपा ( माओवादी ) ले केन्द्रीय सदस्य भिम बटालालाई गर्याे निस्कासन ।
जनमुक्ति खबर , उपत्यका व्यूराे ।
नेपाल कम्युनिस्ट पार्टी ( माओवादी ) ले आफ्नै पार्टीका केन्द्रीय सदस्य बम बहादुर बटाला ( भिम बटाला ) लाई पार्टीबाट निस्कासन गरेको छ । २ वर्ष अघि महावीर नेतृत्वमा पार्टी गठन लगत्तै उपत्यका व्यूराेकाे इन्चार्जका रुपमा काम गरिरहेका थिए । उपत्यकामै काम गर्दा विभिन्न ठाउँमा व्यवसायीहरु संग जबर्जस्ती आर्थिक बार्गेनिङ गर्ने गरेको , पार्टी कार्यकर्तालाई जानीजानी फसाएकाे , आफू सम्मिलित घटनामा अन्य साथीहरूलाई फसाउन प्रशासन समक्ष सुराकी गरि आफू उम्किएकाे , पार्टीको आन्तरिक सुचना बेचेकाे र पार्टीको राताे सत्ता अनलाइन खबर पत्रिका चलाउने नाममा आर्थिक हिनामिना गरेको विज्ञप्तिमा जनाएको छ । पार्टीको कामकारबाहीमा अराजकता देखिए पछि उनलाई सच्चिन आग्रह गर्दै उपत्यका व्यूराेबाट केन्द्रीय कार्यालयमा अनुसन्धानका निम्ति तानिएका थिए । तर जिम्मेवारी विहिन पछि पनि उनकाे नेतृत्वमा देशका विभिन्न जिल्लामा आर्थिक चलखेल गरेको र नेतृत्वलाई गुमराह राख्ने गरेको उक्त पार्टीले जनाएको छ । यसैलाई मध्यनजर गर्दै आफ्नो पार्टीबाट निस्कासित भिम बटाला संग कुनैपनि साईनाे नरहेकाले ,आर्थिक काराेवार नगर्न अरुकुनै गतिविधिमा हाम्रो पार्टी नेकपा ( माओवादी )आम जनसमुदाय अन्य राजनीतिक पार्टी र व्यवसायीहरुलाई सचेत रहन अनुरोध गर्छ । का. वा. महासचिव रणवीर द्वारा हस्ताक्षर रहेको उक्त विज्ञप्तिमा ताेकिएकाे समय अवधि भित्र पार्टीको नामका चिठीपत्र र हरहिसाब बुझाउन भन्दै चेतावनी दिएको छ ।
