शक्ति साम्राज्यका इतिहास हेर
लादेन, हिटलर र प्रभाकरणहरु हेर
आवाजमा प्रतिबन्ध लगाउनेहरु
राणा, पञ्चे र ज्ञानेन्द्रहरु हेर
शक्ति साम्राज्यका निरिह पात्रहरु
ज्वालमुखी र सुनामिहरु झैं
प्रलयका आँधी र भूकम्पहरु झैं
उर्लीएको खहरे र छाळहरु झैं
अत्याचार पछिका बिद्रोह हेर
लाठी बजार्दै बन्दपर्खालहरुमा
भकुरिएका बिरालाहरु हेर
तिम्रा शक्ति साम्राज्यहरु
अत्याचार र ब्यभिचारका पहाडहरु
टुइन टावरका हविगत्तहरु झैं
लड्छन, भत्कन्छन र जलिरहन्छन्
तिमिले शक्तिको उन्मादलाई
गुट, झुण्ड र उपगुटहरुलाई
मैमत्त साँढेका हविगतहरुमा
छाडा छोडेर बढ्यौ भने
वीर छाडेका सुङ्गुरहरु झैं
उट्पट्याङ्ग गर्दै गयौ भने
जग बिनाका महलहरुमा
बोझका भारहरु थप्यौ भने
हिरोसिमा र नागासाकिहरुका
हिटलर, प्रभाकरण र लादेनहरुका
राणा, पञ्चे र राजाहरुका
अस्तित्व समाप्त भएसरी
तिम्रो बर्बरताको वर्तमान
पनि एकादेशका कथाहरु झैं
इतिहासका पानाहरुमा
मात्र सिमित हुनेछ ।
✍️मनिष
