फुट्दा फुट्दै नेकपा ( बहुमत ) अल्पमतमा
चितवन – नेपालकाे कम्युनिस्ट राजनीतिक इतिहासमा विरलै घटनाहरु घट्ने गर्दछन । कम्युनिस्टहरुकाे एकता , रुपान्तरण र संघर्षको मुल मान्यता लाई ढालकाे रुपमा लिएपनि अन्ततः कम्युनिस्ट पार्टीहरु एकता हुनु भन्दा फुटमै रहेको देखिन्छ । नेपालमा पुष्पलाल सहित ५ जना नेताहरु द्वारा स्थापना भएको कम्युनिस्ट पार्टी हाल सम्म आउदा स- साना गरि सयाैं टुक्रामा विभाजन भएको छ । नेकपा एमाले,माओवादी ( केन्द्र ) बाट पनि पछिल्लो समय विभिन्न टुक्राहरु भएको छ ।
पछिल्लो राजनीतिक वृत्तमा पहिला नेपाल कम्युनिस्ट पार्टी ( विप्लव ) संग सम्बन्ध विच्छेद गरेको धर्मेन्द्र र शुदर्सन समुह माेहन बैद्य संग पार्टी एकता गरेका थिए तर एकताकाे लगभग वर्षदिन नपुग्दै बैद्यबाट टुक्रिएर पुनः बहुमतमा फर्किएका थिए । नेकपा ( बहुमत ) ले गत माघमा नवाैं महाधिवेशन गर्दै राजनीतिक / वैचारिक र सांगठनिक संरचना संमृद्ध बनाएको बताएका थिए तर नेकपा ( बहुमत ) विप्लव बाट जम्मा ९ जना केन्द्रीय सदस्य विद्रोह गराउँदा आफैनै अबको क्रान्तिकाे नेतृत्व गर्ने भन्दै पार्टीको नाम नेकपा ( बहुमत ) राखेका थिए । हाल नेकपा ( बहुमत ) बनेदेखि महाबीर नेतृत्वमा नेकपा ( माओवादी ), पुर्णसिंङ नेतृत्वमा समाजवादी कम्युनिस्ट पार्टी नेपाल , खेम थपलिया नेतृत्वमा अर्को माेर्चा र हालसम्म ४ पटक विभाजन भएको छ ।
हाल आफुसंग रहेको हेमन्त प्रकाश ओली ( शुदर्शन ) माेहन बैद्यमै छुटेका छन् भने गण्डक क्षेत्रका चर्चित र ईमान्दार नेता कृष्ण वाग्ले ( रुपेस ) हरुपनि क्रान्तिका नाममा जनतालाई धाेका नदिने भन्दै धर्मेन्द्र बाट छुट्टिएका छन् । यता बहुमतकाे केन्द्रीय समिति बैठक चलिरहेकै बेला आफ्नो पार्टीमा चरम प्रकारकाे गुटबन्दी र अराजकता मच्चाएको भन्दै केन्द्रीय नेताहरु शरद रसाइली र पुर्ण बहादुर रसाइलीलाई नेकपा ( बहुमत) मा नरहेको भन्दै निस्कासन गरेको छ ।
पार्टीको आधिकारिक राजनीतिक लाइनमा पार्टीलाई नहिडाएकाे पार्टी मा फरक विचार राख्ने साथीहरूमाथी अराजनीतिक व्यवहार गरेको समस्या हल गर्नुभन्दा निलम्बन र निस्कासनकाे डण्डा चलाएको भन्दै शरद रसाइली सहित ३२ जनाकाे हस्ताक्षर सहित विज्ञप्ति जारी गरेका छन् ।
