मिटरव्याजी तथा वित्तीय उत्पिडन समितिमा : उपेन्द्र साह

जनमुक्ति खबर , सम्वाददाता सिरहा ।

विगतमा थाेरै लगानीमा उद्यमी बन्न र छिटो छरितोमा सहजै ऋण उपलब्ध गर्ने प्रलोभनमा परि अधिराज्य भरि नै नेपालका वित्तीय लगानीकर्ताहरु द्वारा पिल्सिएका पिडितहरु सिरहामा एकीकृत हुदै गएका छन् । नेपाल भरि नै दैनिक एकलाख रुपैयाँ बराबर दशहजार रुपैयाँ लिने र पहिल्यै एक महिनाकाे व्याज पनि असुल्ने र घरजग्गा धितो रजिष्ट्रेशन पास गर्ने पछि दैनिक र मासिक अधिक व्याज मार्फत जनताको ढाड सेक्ने आर्थिक अराजकता गर्ने गरेको घटनाहरु बाहिरिएका छन । यसरी निमुखा किसान मध्यम स्तरीय व्यापारी घरजग्गा विहिन बनेका छन् ।यसरी नै पिडित बनेका पुर्बका व्यवसायी प्रेम आचार्यले राष्ट्रियसभा गृह अगाडि नेपालकाे याे व्यवस्था विरुद्ध नारावाजी गर्दै शरिरमा पेट्रोल छर्किएर आत्मदाह गरेका थिए ।आज समग्र नेपालीहरु मध्ये असी प्रतिशत मानिसहरु आर्थिकसामाजिक कारणले दिनहुँजसो मानसिक तनावमा छन् यी मध्ये घरबार विहिन र आत्महत्या दर बढ्दाे छ ।हुनत सरकारले पनि मिटरब्याजी तथा लघुवित्त संस्था माथि कडाइ गरेको र कारबाहीको दायरामा ल्याएको भन्दै पुर्व सरकारले काम थालनी गरेको थियोे ।तर सरकारले मिटरब्याजी पिडितकाे भन्दा पिडककाे कुरा सुनेको र उल्टै पिडित बनेको भन्दै संगठनका केन्द्रीय अध्यक्ष चित्र बहादुर गाेलेले बताएका छन् । यसै सिलसिलामा उक्त संघर्ष समितिले वैशाख १८ गते सिरहा जिल्लामा पनि उपेन्द्र साहकाे संयोजकत्वमा ९ सदस्यीय जिल्ला संघर्ष समिति गठन गरेको जनाएको छ ।