मिटरव्याजी तथा वित्तीय उत्पिडन संघर्ष समिति नेपालकाे राष्ट्रिय भेला सम्पन्न ।
जनमुक्ति खबर सम्वाददाता,सिन्धुली ।
मिटरव्याजी तथा वित्तीय उत्पिडन संघर्ष समिति नेपालले सिन्धुलीमा आफ्नो प्रथम राष्ट्रिय भेला सम्पन्न गरेको छ । नेपालमा केही वर्ष देखि वित्तीय क्षेत्रमा व्यापक अनियमितता र आर्थिक क्षेत्रमा नेपाल राष्ट्रबैंकबाट नियमनमाअपारदर्शी रणनीति अख्तियार गरेको केही वर्ष भित्रै बेरोजगारी र ऋणात्मक अवस्था प्रति चिन्ताजनक तथ्यांकहरु प्रमाणित हुदा पनि केन्द्रीय राष्ट्रबैंकले सहि निर्णय गर्न नसक्दा स्वराेजगार व्यवसायीहरु पिडित बनेका छन।आर्थिक रुपमा कमजोर व्यक्तिहरुलाईसमूह बनाई १८ प्रतिशत भन्दा माथि व्याज असुली गर्ने र व्यवसाय सुचारु नहुदै व्याज र किस्ता रकम तिर्न बाध्य पार्दा नेपालीहरु पिडित बनेकाछन् ।
नेपालका विकासाेन्मुख शहरी क्षेत्रमा त झन आजभोलि मिटरव्याजी तथा दृष्टिबन्धक दलालहरुकाे बिगबिगीबढेकाे छ पिडित ऋणीहरुमाथी अत्यधिक व्याज असुल्ने ,लिएको ऋण भन्दा दुईगुणाकाे हिसाबले कागज बनाउने थाेरै रकममा घर जग्गा धितो लिने र अन्त्यमापैसा तिर्न दबाब दिने ,थाेरै रकममा घरजग्गा लिलाम गरिदिने र दलाल मार्फत नै धाक- धम्की दिने प्रशासन लगाउने , यसले मानिसलाई हताेत्साही बनाई आत्महत्या गर्न बाध्य पार्ने गरेको र नेपाली समाज झन शाेषित हुन पुगेको भन्दै नवनिर्वाचित संयाेजक चित्र बहादुर गाेलेले अब संघर्षको विकल्प नभएकाले एकताबद्ध हुन सम्पूर्ण पिडितजन अनुराेध गर्नु भएको छ । भेलाले चित्र बहादुर गाेले ( तामाङ ) काे संयाेजकत्वमा २७ जनाकाे केन्द्रीय समिति घाेषणा गरेको छ । भेलाले सातै प्रदेश स्तरिय संयाेजक ताेकिपठाएकाे जनाएको छ ।
